11
O Isus giuvindil le Lazăros
Hai ăc manuș sas nasfalo, o Lazăr andai Betania cai beșenas e Maria hai e Marta, lachi phei. E Maria sas coia cai machleas le Raies parfumosa hai chosleas lesche pîrne pe balența,a Ioan 12:3 hai laco phral o Lazăr sas nasfalo. Codolasche ăl pheia dines drom co Isus, phenindos:
— Raia, ita, cova saves iubis les si nasfalo.
Hai cana o Isus așundeas, phendeas:
— O nasfalimos cadava nai anda o merimos hai si andai slava le Devleschi, caște avel sicado prin leste cabor dă baro si o Ciavo le Devlesco.
O Isus iubilas le Marta, lache phea hai le Lazăros. Deci cana așundeas că ov si nasfalo, atunci acilos dui ghes ando than cai sas. Pala cadaia phendeas le ucenicenghe:
— Haidin te gias pale and-e Iudeia!
Ăl ucenicea phende lesche:
— Rabi, acanac ăl bare le evreenghe rodenas te mudaren tut barănța,b Ioan 10:31 hai pale cames te gias othe?
O Isus dineas anglal:
— Nai deșudui ciasuri ando ghes? Cana daconiva phirel o ghes, ni împedechil pes, că dichel e lumina cadal lumeachi. 10 Dar cana daconiva phirel e reat, împedechil pes, că nai les lumina.
11 Pala cadal vorbe phendea lenghe:
— O Lazăro, amaro amal, sovel, dar giav te vazdav les andai lindri.
12 Cadea că ăl ucenicea phende lesche:
— Raia, cana sovel, va cherdeola mișto.
13 Dar o Isus dineas duma anda lesco mulimos, dar on gîndinas că del duma andai odihna le sovimaschi. 14 Atunci o Isus phendea lenghe te hachearen:
— O Lazăro mulos. 15 Hai bucuriv man anda tumende că ni semas othe, caște pachean. Dar haidin te gias leste!
16 Atunci o Toma cai buciolas Geamăno phendeas colenghe cai sas lesa ucenicea:
— Haidin te gias i ame caște meras le Isusosa!
17 Atunci cana avilos o Isus, așundeas că o Lazăro si dă ștar ghes ando than le prahomasco. 18 E Betania sas pașa o Ierusalimo, cam că trin kilometrea,* trin kilometrea Ando originalo 15 stadia, save si cam trin kilometri. 19 hai but andal evreea avilesas che Marta hai che Maria caște mîngîin len anda lengo phral. 20 Cana e Marta așundeas că avel o Isus, înclistis angla leste. Dar e Maria beșelas ando cher. 21 Atunci e Marta phendeas le Isusosche:
— Raia, te afi sanas cathe, muro phral ni afi mulosas. 22 Dar i acanac gianav că orso manghes catar o Del, o Del va dela tut.
23 O Isus phendea lache:
— Cheo phral va uștela andal mule.
24 E Marta phendea lesche:
— Gianav că va uștela andal mule, che învierea ando paluno ghes.
25 O Isus phendea lache:
— Me sem e învierea hai e viața. Con pacheal andă mande, chear cana merela, va traila, 26 hai sea cai train hai pachean andă mande ni va merena nici ăc data. Pacheas tu e buchi cadaia?
27 Oi phendea lesche:
— Da, Raia, me pacheav că tu san o Cristos, o ciavo le Devlesco, saves ajuchearas les te avel and-e lumea.
28 Hai phenindos cadala ghelis hai dineas mui rigate pe phea le Maria hai phendea lache:
— O Sicaiitori si cathe hai del tut mui.
29 Sar oi așundeas, uștilis sigo hai teleardeas leste. 30 O Isus încă ni întrisailos ando gav hai sas ando than cai maladea les e Marta. 31 Atunci ăl evreea cai sas le Mariasa ando cher hai mîngîiinas lan, cana dichles că e Maria uștilis sigo hai înclel avri, gheles pala late, că pacheaies că gial co than le prahomasco te rovel othe. 32 Atunci cana e Maria areslis cai sas o Isus hai dichlea les, pelis că lesche pîrne hai phendeas lesche:
— Raia, te afi sanas cathe, ni afi mulosas muro phral.
33 Atunci cana o Isus dichlea lan rovindos, hai le evreen cai avilesas lasa rovindos, holeailos ando duho hai izdraias andă peste. 34 Pușleas:
— Cai ciuten les?
Hai on phendes:
— Raia, av hai dich!
35 O Isus rovelas. 36 Atunci ăl evreea phendes:
— Ita cabor iubilas les!
37 Dar aver mașcar lende phendes:
— Oare ni daștilas cadava savo putardeas ăl iacha le corăsche te cherel ta na merel nici o Lazăro?
38 Deci o Isus pale holeailos andă peste, ghelos co than le prahomasco, savo sas ăc peștera hai ăc bar sas ciutino co mui. 39 O Isus phendeas:
— Den rigate o bar!
E Marta, e phei le muleschi, phendea lesche:
— Raia, deja chandel, că si mulo dă ștar ghes.
40 O Isus phendea lache:
— Ni phendem tuche că cana pacheasa, va dichesa e slava le Devleschi?
41 Cadea că dines rigate o bar. Hai o Isus vazdeas ăl iacha opre hai phendeas:
— Dade, nais tuche că așundean man. 42 Hai me gianav că întotdeauna așunes man, dar phendem cadaia anda saoră manuș cai si cathe, caște pachean că tu dinean man drom.
43 Păce phendeas cadala, dinea mui glasosa zuralo:
— Lazăre, av avri!
44 Hai o mulo înclistos, phanglo pîrnendar hai vastendar doreanța pînzache hai lesco mui sas învăluime ăc ștergaresa. O Isus phendea lenghe:
— Putren les hai muchen les te phirel!
Ăl bare le evreenghe hotărîn te mudaren le Isusos
45 Cadea că but andal evreea cai avilesas che Maria hai dichlesas so cherdeasas o Isus, pacheaies andă leste. 46 Dar aver anda lende gheles căl fariseia hai phende lenghe so cherdeas o Isus. 47 Atunci ăl rașaia ăl bare hai ăl fariseia chides ăc consilo hai phenenas:
— So te cheras? Că o manuș cadava cherel but semnea. 48 Cana mucasa les cadea, sea va pacheana andă leste hai ăl romaia ⸤va pacheana că ov camel te avel thagar⸥ hai va avena hai va nimicina i amaro than o sfînto hai i amaro poporo.
49 Dar iech anda lende, o Caiafa, savo ando bărș codova sas o rașai o baro, phendea lenghe:
— Tume ni gianen chanci, 50 hai nici ni gîndin că si mai mișto anda amende te merel ăc corcoro manuș anda o poporo hai ta na hasaol saoro neamo.
51 Dar cadaia ni phendea lan pestar, hai că sas o rașai o baro ando bărș codova, proorocisardeas că o Isus si te merel anda o neamo. 52 Hai na numa anda peo neamo, hai i te chidel le ciaven le Devlesche, save si risipime andă aver thema, caște aven iech. 53 Atunci anda o ghes codova hotărîsardes te mudaren les.
54 Codolasche o Isus ni mai phirelas te dicheol mașcar ăl evreea, dar teleardeas ⸤andai Betania⸥ ando ținuto pașai mulani, andăc foro cai buciolas Efraim, hai acilos othe pe ucenicența.
55 O Ghes o baro le evreengo le Nachimasco sas pașa, hai but uștiles catar ăl gava co Ierusalimo, anglao ghes o baro caște ujon pes.c Numerea 9:6-12; 2 Cronici 30:17-19 56 Cadea că beșîndos and-e bar le Temploschi, rodenas le Isusos hai denas duma mașcar peste:
— So pachean? Va avela co ghes o baro?
57 Dar ăl bare le rașaienghe hai ăl fariseia dinesas porunci că cana gianela daconiva cai si o Isus, te phenel lenghe caște astaren les.

a11:2 Ioan 12:3

b11:8 Ioan 10:31

*11:18 trin kilometrea Ando originalo 15 stadia, save si cam trin kilometri.

c11:55 Numerea 9:6-12; 2 Cronici 30:17-19