5
Catar o Adam gi co Noia
1 Cate începol o ramomos andal buchea save cherdea len o neamo le Adamosco. Cana cherdeas o Del le manușăs, cherdea les te ameal lesa. 2 Cherdea len murș hai giuvli, binecuvintisardea len hai dinea len o anav dă „manuș” cana sas cherde.
3 Co phurimos ăc șălaco hai treanda bărș le Adamosche, cherdineailos lesche ăc ciavo cai amealas lesa hai sas sar leste, hai ciuteas lesco anav Set. 4 Pala so cherdilos o Set, o Adam traiisailos ohtoșăla bărș, hai cherdineailes lesche ciave hai ceia. 5 Saoră ghes cai traiisailos o Adam sas îneașăla hai treanda bărș. Pala codoia mulos.
6 Co phurimos ăc șălaco hai pangi bărș le Setosche, cherdineailos lesche o Enos. 7 Pala so cherdineailos o Enos, o Set mai traiisailos ohto șăla hai iefta bărș hai cherdineailes lesche ciave hai ceia. 8 Saoră ghes le Setosche sas îneașăla hai deșudui bărș, pala codoia mulos.
9 Co phurimos le îneadeșa bărșengo le Enososche, cherdineailos lesche o Cainan. 10 Pala so cherdilos o Cainan, o Enos mai traiisailos ohto șăla hai deșupangi bărș hai cherdineailes lesche ciave hai ceia. 11 Saoră ghes le Enososche sas înea șăla hai pangi bărș, pala codoia mulos.
12 Co phurimos le ieftadeșa bărșengo le Cainanosche, cherdineailos lesche o Mahalalel. 13 Pala so cherdineailos o Mahalalel, o Cainan mai traiisailos ohto șăla hai saranda bărș, hai cherdineailes lesche ciave hai ceia. 14 Saoră ghes le Cainanosche sas înea șăla hai deș bărș, pala codoia mulos.
15 Co phurimos le șovardeșengo hai pangi bărș le Mahalalelosche, cherdineailos lesche o Iared. 16 Pala so cherdineailos o Iared, o Mahalalel mai traiisailos ohto șăla hai treanda bărș, cherdineailes lesche ciave hai ceia. 17 Saoră ghes le Mahalalelosche sas ohto șăla hai îneadeșa hai pangi bărș, pala codoia mulos.
18 Co phurimos ăc șălaco hai șovardeș hai dui bărș le Iaredosche, cherdineailos lesche o Enoh. 19 Pala so cherdineailos o Enoh, o Iared mai traiisailos ohto șăla bărș, hai cherdineailes lesche ciave hai ceia. 20 Saoră ghes le Iaredosche sas înea șăla hai șovardeș hai dui bărș, pala codoia mulos.
21 Co phurimos le șovardeșengo hai pangi bărș le Enohosche, cherdineailos lesche o Metusala. 22 Pala so cherdineailos o Metusala, o Enoh mai phirdeas le Devlesa trin șăla bărș, hai cherdineailes lesche ciave hai ceia. 23 Saoră ghes le Enohosche sas trin șăla hai șovardeș hai pangi bărș. 24 O Enoh phirdeas le Devlesa, pala codoia ma nas, pentrucă lilea les o Del pesa.
25 Co phurimos ăc șălaco hai ohtodeșa hai iefta bărș le Metusalasche, cherdineailos lesche o Lameh. 26 Pala so cherdineailos o Lameh, o Metusala mai traiisailos iefta șăla hai ohtodeșa hai dui bărș, hai cherdineailes lesche ciave hai ceia. 27 Saoră ghes le Metusalasche sas înea șăla hai șovardeș hai înea bărș, pala codoia mulos.
28 Co phurimos ăc șălaco hai ohtodeșa hai dui bărș, le Lamehosche cherdineailos lesche ăc ciavo. 29 Ov ciuteas lesco anav Noia,* O anav Noia hacheardeol „odihna”, hai mai așundeol sar mîngîimos. phenindos: „Cadava si te mîngîil amen anda amari buchi hai anda o pharimos amare vastengo, cai avel anda cadai phuv savi dinea lan armaia o Rai.” 30 Pala so cherdineailos o Noia, o Lameh mai traiisailos pangi șăla hai îneadeșa hai pangi bărș, hai cherdineailes lesche ciave hai ceia. 31 Saoră ghes le Lamehosche sas iefta șăla ieftadeșa hai iefta bărș, pala codoia mulos.
32 Pala so o Noia pherdeas pangi șăla bărș, cherdineailes lesche o Sem, o Ham hai o Iafet.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.