3
E Rut kăl pîrne le Boazoske
Hai e Naomi, laki soakra, phendea lake:
— Mîrî cei, nas mișto te rodav tuke ăk than te odihnis tut, kai te avel tuke mișto? Ita o Boaz saveske giuvleanța sanas, nai ov ruda amența? Dikh kă ov rakeako si te ucianel o ghiv pe aria. Thov tut, makh tut uleiesa, hureado șukar hai de tut tele ke aria le treierimaski! Dar ta na kerdos pringiandi kadal manușăske gi kana ni hala hai ni pela! Kana ciula pes tele, dikh o than kai ciul pes tele, pala kodoia gia, de rigate pa leske pîrne hai ciu tut tele! Atunci ov si te phenel tuke so te keres.
E Rut dinea lan anglal:
— Si te kerav sea so phendean.
Dinea pes tele ke aria hai kerdeas sea so poruncisardeasas laki soakra.
O Boaz haleas hai pileas hai lesko ilo sas lacio. Pala kodoia ghelos te ciul pes tele pașa e grămada le ghiveski. E Rut avilis cioreal, dinea rigate pa leske pîrne hai ciutea pes tele. Ko mașkar le reakeako o manuș izdraias, boldea pes, hai dikh ăk giuvli sas tele kă leske pîrne. Atunci ov phendeas:
— Kon san?
Hai oi dineas anglal:
— Sem e Rut, ki slujnika. Întinzosar ke poghea le hainake pă ki slujnika, kă tu san muro răskumpărători!
10 Hai ov phendeas:
— Binekuvintime te aves katar o Rai, mîrî cei! Tu sikadean mai but miștimos mai palal dă sar anglal. Kă ni phirdean pala tărne, fie kă on si cioră sau bravale. 11 Akanak, mîrî cei, na dara, si te kerav tuke sea so phenes, kă saoro foro gianel kă san ăk giuvli gogheaver. 12 Si ciaces kă sem tuke pașardo, dar mai si ăk manuș, ăk ruda mai pașă sar mande. 13 Acio kadai reat kathe! Hai tehara kana kamela te răskumpăril tut, mișto, te răskumpăril tut. Dar kana ni placiol les te răskumpăril tut, si te răskumpăriv tut me, giuvindo si o Rai! Sov kathe gi detehara!
14 Oi acilis suti kă leske pîrne gi detehara, hai uștilis mai anglal ta na daștin te pringiandeon ăl manuș iekh pă aver. O Boaz phendeas:
— Ta na gianel koniva kă întrisailis ăk giuvli and-e aria!
15 Hai mai phendeas:
— An e mantaua kai si pă tute hai înkear lan!
Hai oi înkeardea lan, ov măsurisardeas șov măsuri orzoske* Șov măsuri orzoske sas kam treanda okale. hai ciutea len pă la. Pala kodoia întrisailos ando foro.
16 E Rut risailis kă pi soakra, hai e Naomi phendeas:
— Sar sas, mîrî cei?
E Rut phendea lake sea so kerdeasas lake o manuș kodova:
17 Dinea man kadal șov măsuri orzoske hai phendea manghe: «Ta na ris tut le vastesa nango kă ki soakra!»
18 Hai laki soakra phendeas:
— Beș gogheaver, mîrî cei, gi kana așunesa sar termenila pes e buki kadaia: kă o manuș kadava ni va arakhela pi pacea gi kana ni va termenila aghes e buki kadaia.

*3:15 Șov măsuri orzoske sas kam treanda okale.