14
O Samson alol peske romni
1 O Samson mukleas pes hai ghelos ke Timna hai othe dikhleas ăk filisteanka. 2 Kana ghelos peske khere, phendeas pe dadeske hai pe dake:
— Ande Timna dikhlem ăk filisteanka. Akanak len lan manghe dă romni!
3 Lesko dad hai leski dei phende leske:
— Ciaces, nai nici ăk giuvli mașkar amaro neamo sau andă saoro poporo amaro, da phires te les tuke romni katar ăl filisteia kola bicinde tele?
Dar o Samson phendeas pe dadeske:
— Lan te len lan manghe, kă man placiol man latar!
4 Lesko dad hai leski dei ni gianenas kă e buki kadaia sas katar o Rai, savo rodelas ăk motivo kontra le filisteaenghi. Ando timpo kodova ăl filisteia stăpîninas po Israelo.
E abghin anda o hoito le leeosko
5 O Samson ghelos ke Timna pe dadesa hai pe dasa. Kana aresle kăl reza le Timnake, dikh, înklistos leske anglal ăk leeo tărno răknindos. 6 O Duho le Raiesko avilos zuralimasa pă leste hai ov pharadeas le leeos sar ăk iedos, bi khancesko andăl vast. Hai ni phendeas pe dadeske hai pe dake so kerdeasas. 7 Pala kodoia ghelos te del duma le giuvleasa, hai les placiuia les latar.
8 Pala ăk timpo riasailos te lel lan dă romni, hai dineas pes rigate anda o drom kaște dikhel o stîrvo le leeosko. Hai ita kă ando stîrvo le leeosko sas ăk roio birondeango hai abghin. 9 Înkaladeas e abghin le vastesa hai handos teleardeas mai dur.a Numerea 6:6 Hai kana areslos kă peo dad hai kă pi dei, dineas len i len, hai hale i on. Ni phendeas lenghe kă înkaladeasas e abghin anda o stîrvo le leeosko* O stîrvo le leeosko kerdeas e abghin mahrime..
O abeav hai e ghicitoarea le Samsonoski
10 Pala kodoia lesko dad ghelos ke giuvli kodoia kaște manghel lan. Othe o Samson kerdeas ăk abeav, kăci kadea obișnuiinas ăl tărne. 11 Kana kodola othar dikhle les, dine mui treanda manuș te beșen lesa. 12 O Samson phendeas lenghe:
— Muken man te phenav tumenghe ăk ghicitoarea. Kana va daștina te ghicin lan andăl iefta ghes le petrecereake, va dava tumen treanda gada inoske hai treanda haine lace. 13 Dar kana ni daștina te ghicin lan, atunci va dena man tume treanda gada inoske hai treanda haine lace!
On phende leske:
— Phen amenghe e ghicitoarea te așunas lan!
14 Ov phendeas lenghe:
— Anda kova kai hal, înklistos hamos, anda o zuralo înklistos guglo.
Timpo trine ghesengo ni daștisaile te ghicin e ghicitoarea. 15 Andă le ștarengo ghes phende le romneake le Samsonoski:
— Guguiisar ke romes te phenel amenghe e ghicitoarea, aver felo va dasa iag i tut hai i ke famelia! Dinen amen mui kathe kaște cioraren amen?
16 Hai e romni le Samsonoski rovelas pașa leste hai phenelas leske:
— Ciaces tu uros man hai ni iubis man. Phendean ăk ghicitoarea kolenghe anda muro poporo, hai manghe ni phendean so hakeardeol!
Ov phendeas lake:
— Dikh, ni phendem lan nici mîră dadeske hai mîră dake, sar te phenav lan tuke?
17 Dar oi ruias pașa leste andă saoră iefta ghes le abeaveske. Kana aresle andă le ieftango ghes, ov, pentru kă mereeo holearelas les, phendeas lan lake. Pala kodoia oi phendeas sar hakeardeol e ghicitoarea le manușănghe anda lako poporo. 18 Andă le ieftango ghes, gi kai te perel o kham, ăl manuș anda o foro phende leske:
— So si mai guglo dă sar e abghin hai so si mai zuralo dă sar o leeo?
Dar ov phendeas lenghe:
— Ta na fi arisardenas mîră vițauasa, ni afi ghicisardenas mîrî ghicitoarea.
19 O Duho le Raiesko avilos zuralimasa pă leste hai ov ghelos ko foro le filisteiengo Așkelon. Mudardeas treanda gene anda lenghe manuș hai lileas lenghe bukea. Dineas ăl haine kolen kai ghicisardesas e ghicitoarea, hai holeame risailos ando kher pe dadesko. 20 E romni le Samsonoski sas dini kă iekh anda kola kai sas lesa, lesko amal.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.