6
O nasulimos le manușăngo
Kana începosailes ăl manuș te buteon pe phuv hai kerdineailes lenghe ceia, ăl ciave le Devleske* „Ăl ciave le Devleske” daștil te hakeardeol manuș anda o ceri sau manuș pa-i phuv. dikhles kă ăl ceia le manușănghe si șukar, hai lile peske dă romnea kolen kai alosarde len peske. Atuncia o Rai phendeas:
— Muro Duho nai te aciol but bărș ando manuș. O manuș orsar merel. Leske ghes si te avel ăk șăl hai biș bărș!
Ăl nefelimi sas pe phuv andăl vremuri kodola hai i mai înkeal. Kadaia sas kana ăl ciave le Devleske sutes le ceianța le manușănghe hai on kerde lenghe ciave: kadala sas ăl zurale kai sas dămult, manuș pringiande.
O Rai dikhleas kă o nasulimos le manușăsko si baro pe phuv hai kă sea so gîndilas hai kamelas sas nasul saoră timpo. Falea nasul le Raies kă kerdeas le manușăs pe phuv hai holeailos andă peo ilo. Hai phendeas:
— Si te khosav pa-i phuv le manușăs saves kerdem les, katar o manuș gi kăl animalea, gi kăl animalea țîine hai gi kăl ciriklea le ceroske, kă fal man nasul kă kerdem len.
Dar o Noia sas arakhado lacio katar o Rai.
O Del kamnos te hastravel le Noias hai leske famelia
Kadala si ăl bukea kai kerdea len o neamo le Noiasko. O Noia sas ăk manuș ciacio hai ujo mașkar kola anda leski vremea. Ov phirelas le Devlesa. 10 Les sas les trin ciave: o Sem, o Ham hai o Iafet.
11 E phuv sas rimome angla o Del, e phuv sas pherdi marimata. 12 O Del vardisardeas pe phuv hai dikhleas kă e phuv si rimome, kă sea so traiinas pe phuv rimosailesas. 13 Atuncia o Del phendeas le Noiaske:
— Hotărîsardem kă sea so trail trăbul te merel, pentrukă pherdes e phuv marimata. Dikh, si te nimiciv len andăk than le phuiasa. 14 Ker tuke ăk korabiia anda kașteste kiparososko! Te keres hodăițe andă late, hai spoiisar lan smoalasa andral hai avreal! 15 Dikh sar te keres lan: e korabiia te avel lan trin șăla kuia ando lungimos, peinda kuia ando buhlimos hai treanda kuia ando ucimos! Ăk kui and-e Biblia si lan kam ăk epaș metroski, deci e korabiia sas lan ăk șăl hai peinda metrea ando lungimos, biș tai pangi metrea ando buhlimos hai deșupangi metrea ando ucimos. 16 Te mukes lan putardi andă saoră riga kă ăk kui katar o uciarimos! O udar te cius les and-e rig le korabiiaki, hai te keres ăk podo tele, iekh ko mașkar hai iekh opre!
17 Me si te tasavav e phuv, kaște merel sea so trail pe phuv, sea so phurdel. Sea so si pe phuv va merela. 18 Dar si te kerav muro phanglimos tusa. Te întris and-e korabiia, tu hai ke ciave, ki romni hai ăl romnea ke ciavenghe andăk than tusa! 19 Te les and-e korabiia po dui anda sea so trail, murș hai giuvli, kaște acion giuvinde tusa! 20 Anda saoră soiuri cirikleanghe, anda saoră soiuri animalenghe hai anda saoră soiuri animalenghe țîine pa-i phuv po dui si te aven tute, kaște înkeares len giuvinde! 21 Hai tu le hai kide saoră feluri hamaske, kaște avel tuke hamaske tuke hai i lenghe!
22 Kadea i kerdeas o Noia, kerdeas sea so phendeas leske o Del.

*6:2 „Ăl ciave le Devleske” daștil te hakeardeol manuș anda o ceri sau manuș pa-i phuv.

6:15 Ăk kui and-e Biblia si lan kam ăk epaș metroski, deci e korabiia sas lan ăk șăl hai peinda metrea ando lungimos, biș tai pangi metrea ando buhlimos hai deșupangi metrea ando ucimos.