O salmo 149
Bukurin tumen khelindos haj gilabandos le Rajesqe!
1 Läudin le Rajes!
a Gilaben le Rajesqe äk gili nevi,
gilaben lesqe laude maśkar äl manuś,
savenqi mila aćhol karing lesθe!
2 Te bukuril pes o Israelo kaθar kova kaj kerdǎ les,
te veselin pes kola kaj beśen anθ-o Siono kaθar lenqo thagar!
3 Te läudin lesqo anav khelimaça,
te gilaben lesqe le tamburimaça haj le harfaça!
4 Kä le Rajes plaćol les lesqo poporo,
haj hurjael śukar kolen kaj naj zurale xastraimaça.
5 Kaθar kadaja ćinstja te bukurin pes kola savenqi mila aćhol karing lesθe,
haj te gilaben bukurǎθar anθä pe paturi!
6 Äl laude le Devlesqe te aven anθä lenqo muj
haj äk sabia askucime anθä lenqo vast
7 kaśte räzbunin pes p-äl njamuri anθa nasulimos kerdo
haj te pedepsin le poporǎn!
8 Kaśte phanden lenqe thagaren lancurença
haj lenqe baren kätuśença sastrenqe,
9 kaśte kerdǒl kontra lenqi e kris kaj si ramome!
Kadaja si äk ćinstja anθa saorä savenqi mila aćhol karing lesθe.
Läudin le Rajes!b
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)