O salmo 122
Haj te ʒas k-o kher le Rajesqo haj te rugis amen anθa lesθe!
Äk gili kana uśtenas k-o Jerusalimo. Äk gili le Davidosqi.
1 Bukurisajlem kana phendinǎjlos manqe:
„Te ʒas k-o kher le Rajesqo!”
2 Haj akanak amare pïrne beśen andrä,
kä ke porci,
Jerusalime.
3 O Jerusalimo si vazdino sar äk foro
kaj kiden pes äl manuś anθ-äk than.
4 Kathe uśten äl njamuri,
äl njamuri kaj ïnkinon pes le Rajesqe,
kaśte läudin lesqo anav,
pala sar porunćisardǎs le Israelosqe.a
5 Kathe beśen p-äl skauja le thagarimasqe
äl ćhave le Davidosqe,
kaśte krison le poporos.
6 Rugin tume anθa-i paćǎ le Jerusalimosqi:
„Kolen kaj jubin tut,
Jerusalime,
te avel len liniśtja!
7 E paćǎ te avel maśkar ke ziduri
haj e liniśtja anθä ke khera bare haj zurale!”
8 Anθ-o drago mïrä phralenqo
haj mïrä amalenqo phenav:
„Te avel paćǎ anθä tuθe!”
9 Anθ-o drago le kheresqo le Rajesqo,
amare Devlesqo,
rugiv man anθa kǒ miśtimos.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)