O traio le Avraamosko
O Del kerdeas anda o Avraam ăk poporo baro
11
27 Kadala si ăl bukea kai kerdiles ando neamo Terah.
O Terah kerdeas le Avramos,
le Nahoros hai le Haranos.
Hai o Harano kerdeas le Lotos.
28 O Haran mulos angla peo dad o Terah,
ando them pe familiako,
ando Ur le kaldeiengo.
29 O Avram hai o Nahor lile peske romnea.
O anav le romneako le Avramoski sas Sarai.
Hai o anav le romneako le Nahoroski sas Milka,
e cei le Haranoski,
o dad le Milkako hai o dad le Iskaiako.
30 Hai e Sarai naștilas te kerel ciave.
Nas la ciave.
31 Hai o Terah leas pe ciaves le Avramos,
le Lotos (o ciavo le Haranosko,
o ciavo leske ciavesko)
hai pe borea le Sarai
(e romni le Avramoski,
lesko ciavo),
hai înklisto lența anda o Ur le Kaldeiengo
te gian ando Them Kanaan,
numa avile ando foro Haran.
Hai othe beșles.
32 O Terah mulos ando Haran
kă dui șăla hai pangi bărș.